BE.147 Logu no.78
JESUS HAMI RO DISON, ASA

Ayat 1
Jesus hami ro dison Mangihuthon na nidokMu
Ro do posoposo on Ala na pinatikkonMu
Ingkon do tu Ho boanon Lao manjalo Parpadanan.

Ayat 2
Marsaringar hata on Dibagasan rohanami
Manang ise na dison So hian manduahali
Sian ginjang tinubuhon Ndang tarbaen tu hangoluan.

Ayat 3
Ala ni hapogan do Hami ro tu Ho, o Tuhan
Asa sahat ma tu Ho Posoposo on .
Sai suan hangoluan tu rohana Asa gong di Ho ibana.

Ayat 4
Buri ma tondina i Dohot mudarMi, o Jesus
Baen ias rohana i Sangkapmi di on patulus
Lehon ma hatigoranMu Ain ibana, anakkonMu.

Ayat 5
Parmahani on tongtong Ho parmahan di huria
On pe jalo ruasMon Baen pintor huhut badia
Dame lehon tu rohana Dohot haporseaonna.

Ayat 6
Sahat ma tu rohaMi, Jesus pangidoannami
Togu i tu surgo i, Sai olio ma sangkapnami
Nang goarna i, o Tuhan Baen tu buku hangoluan
